Kuvendi rrëzon vettingun në politikë

18:02 | 21 Dhjetor 2018
Trina Galanxhi

Shumica rrëzoi pasditen e sotme në Kuvend draftin e propozuar nga opozita për Vettingun në politikë.

Nisma u rrëzua me 74 vota kundër, ndërsa 52 votat e opozitës kanë shkuar pro nismës për amendamentet kushtetuese.

Seanca  prej 7 orësh u shoqërua me debate. Para votimit, kreu i Partisë Demokrtatike, Lulzim Basha, ju bëri thirrje deputetëve të mazhorancës që të votojnë ligjin që i hap rrugë vettingut për politikanët.

Basha tha se e vetmja zgjidhje që Shqipëria të dalë nga bataku ku është zhytur, është ndarja e politikës nga krimi.

Kryedemokrati madje tha se opozita është e gatshme të votojë të gjitha propozimet e mazhorancës për vettingun e politikës, mjafton që ajo të marrë dakordësi e Komisionit të Venecias.

Shpërndaje në rrjete sociale

Lajmet më të lexuara

Të ngjashme

Foto lajm